Begga Rist er reynslumikill leiðsögumaður sem um áratugaskeið hefur leitt hópa ferðamanna, jafnt innanlands sem erlendis. Begga lærði ferðamálafræði í Frakklandi og fluttist þaðan til Danmerkur þar sem hún lagði stund á dýralækningar og starfaði samhliða því á listasafni. Begga hefur því komið víða við og kynnt sér ólík svið lífs og menningar. 

Að hafa búið bæði í París og Kaupmannahöfn, tveimur af helstu menningarborgum Evrópu, hefur gefið henni dýrmæta alþjóðlega reynslu og víðsýni, en hún talar og leiðsegir á sjö tungumálum. Begga hefur í gegnum árin farið með fjölmarga hópa í ólíkar ferðir, s.s. tjaldferðir, fjallaskálaferðir og lúxus hótelferðir. auk þess sem hún hefur um árabil verið í fararbroddi í hestaferðum á Íslandi og er því alvön því að ríða á vaðið með bros á vör og leiða fólk á vit nýrra ævintýra.